Cheng vbc. 37 hû meth man

Champhai police-te chuan September 21, Nilaini zan khan Tuipui, Champhai district-ah methamphetamine kg. 12.584 an man a, inter­national market-ah cheng vbc. 37 chuang man a ni.

Champhai police-te hian Tuipui khuaah truck pakhat an endik a, methamphetamine kg. 12.584 hmu chhuakin an man a ni. Mi pathum - lirthei khalhtu Habibur Rahman (20), Karimganj, Assam, Jubair Ahmed (22), Karimganj, Assam leh Badrul Haque (40), Dharmanagar, Tripura-te an man bawk.

Mi pathumte lakah NDPS Act tlawhchhanin thubuai ziah luh a ni a, an thurualpui dangte chhui mek a ni.