Brown Planthopper-in buh ei chhia

Khojoysury, Lunglei district-a chhungkaw 160 vel leileta buhte chu rannung chi khat, Brown Planthopper-in a ei chhiatsak a; leilet siamtute harsatna tawh dan chu September 21, Nilaini khan Lunglei district agriculture officer C Malsawmkima'n a hmunah a enfiah.

Lunglei DAO chuan, Khojoysury-a leileta buh eichhetu Brown Planthopper chu Mizote'n katnelh an tih mai ṭhin a nih thu sawiin, "An dam hun chhung a rei lo a, rei lo te chhungin an inthlahpung chak em em a ni," a ti a; rannung thahna hlo an ken hmangin buh la chhe lo eng emaw zat chhan theih an inbeisei thu leh, anmahni puih theih dan kawng awm ang ang dap turin department-in theihtawp a chhuah dawn thu a sawi.

Khojoysury khawtlang hruaitute chuan, leilet siamtute'n kumina harsatna an tawh ang chu tun hmain an la tawng ngai lo a, chawlhkar liam ta vel aṭangin harsatna an tâwk tih an inhre ṭan tih an sawi a ni. Khojoysury tih loh khaw dangah Planthopper vanga harsatna a thlen hriat a ni rih lo.