MRB-in nawrhna an zawm ve dawn

All India Regional Rural Bank Employees Association (AIRRBEA) chuan vawiin hian India ram pumah nawrh an huaihawt dawn a, Mizoram Rural Bank (MRB) pawhin an zawm ve dawn.

Joint Council of MRB Union chuan thuchhuah siamin, vawiina Regional Rural Bank (RRB) Strike huaihawt tur chu an zawm ve dawn tih an tarlang a; "Kan thil phûtte India sorkar, Ministry of Finance-in a tihhlawhtlin kan phût tak meuh a ni," an ti.

RRB THIL PHÛTTE
* RRB-te sponsor bank nen inzawm tawh lo a, National Rural Bank of India din.
* A hun taka kaisanna buatsaih, hnaruak hnawh khah, recruitment tih thuai.
* September 4, 2019-a India sorkar thupek anga casual worker-te minimum wage hlawh pek phalsak leh an hnaa dah ngheh thuai.
* Supreme Court thupek angin computer increment/(FPP) la dawng lo RRB-te hnena pek.
* Compassionate scheme a nihna ang taka hman.
* Pension scheme hlui angin thawktu tharte pension pek.
* Sponsor bank aṭanga deputation-a kal, chairman tih chauh lo chu tihtawp.
* RRB share holder tihdanglam tumna tihtawp.