Damdawi chungchang zirho a ni

India ramah September 17-23 inkarah damdawi hman kawnga fimkhur inzirtirna hapta, National Pharmacovigilance Week hman ṭhin a ni a, Week pualin nimin khan Health department-a Food & Drugs Administration chuan Multi Disciplinary Training Centre-ah orientation training an buatsaih.

Training hi Health joint director (Food & Drug) Lalsawma Pachuau-in a kaihruai a; an hun hmanpuitu Health principal director Dr T Lalhmangaihi chuan, Mizote'n damdawi an páwng ngam tih sawiin, "Side effect tur kan ngaihthah hi thil pawi tak a ni. Sorkar kut chauh ni lo, mimal damdawi-ina thawktu, damdawi zuar leh pawlte bakah, mi tin damdawi hmanah kan harh thar a hun," a ti.

Zirhonaah hian Lalramdina, Pharm.D-in Pharmacolovigilance chungchang a sawi a; RIPANS assistant professor Dr Zothanpuia, Aizawl Hospital-a consultant Dr Vanlalsawmi Tlau, Ebenezer Hospital-a consultant Dr Robert Lalmalsawma leh RIPANS-a assistant professor K Lalremmawii ten thu an sawi bawk.

Pharmacovigilance-in a tum ber chu, doctor chawh leh remtihna tel lo leh, damdawi siamtu company rintlak a nihzia chian hmasa loa damdawi inchawh leh mahni thua ei vanga chhiatna thleng tihbo a ni.