Khawpui fai inelna tur sawiho

Lawngtlai Town Sanitation Task Force chu nimin khan an chairman Dr Arun T, Lawngtlai DC hoin DC conference hall-ah an ṭhu a; Mizoram khawpui fai inelnaa Lawngtlai khawpui a tel ve dan tur leh hmalak dan turte an rel.

Lawngtlai DC chuan, khawpui fai inelnaa endikna tur hrang hrangte a lem nen a sawifiah a, "Faina kawnga inelna hi a lawm­man ringawt thlir tur a ni lo a, mipui hrisel nan leh khawpui nuam zawk kan neih theih nana a pawimawhna hriat tel a ṭul.

Khawpui fai lawmman dawng thei turin chhungkaw tinin inthiarna in an neih te, bawlhhlawh thliar hran leh sawngbawl dan ṭha ruahman te, khawpui chhunga bawlhhlawh thenfai hnatlang thawhte leh mipui zirtirna a zau thei ang bera puanzarte chu thil ṭul hmasa a ni," a ti.

Meeting-ah hian, kum­in October 2-9 chhunga Faina Hapta (Swachh Bharat Cleanliness Week) hman dan tur an rel nghal a, a hawnna chu October 2, 2017 zing dar 7-ah Areopagy-ah hman ni se, an ti.