Sikul himna zirtirtute zirtir

Serchhip District Disaster Management Authority chuan nimin khan DC conference hall-ah khuarel chhiatna a thlena sikul naupangte himna tur atana zirtirtute inzirna, 'Training of Tea­chers on School Safety' an buatsaih a, Serchhip DC Lalzarmawii'n a hawng.

Lalzarmawii chuan, chhiatrupna chu engtik lai pawha thleng thei a nih thu sawiin, "A thlen hun tur tumahin kan hriat loh avangin, a theih ang anga ruahmanna fel nen kan inrálrin a pawimawh. Chhiatrupna thlen thulha kan inpuahchahnate pawh kan inennawn fo a, thiam­na thar zawk nen kan intuaihriam reng a ṭul hle," a ti.

Training-ah hian Lung­lei district-a sikul 40 aṭangin zirtirtute an tel a, hawnna inkhawm zawhah training buatsaih a ni.