Vawiinah MNF total bandh
MNF chuan vawiin hian Mizoram pumah zing dar 5 aṭanga tlai dar thleng total bandh an huaihawt dawn. Bandh an huaihawt chhan tur hi kawng chhe lutuk vanga harsatna tâwk mipui thlavâng hauhna atana an tih a ni.
MNF hian total bandh an buatsaih tur chungchangah hian Thawhlehni khan thuthar thehdarhtute an kâwm a, total bandh an buatsaih chhan tur hrang hrangte an lo sawi tawh a, thlawp vek turin mipui an ngen.
Total bandh hian media-a thawk te, damdawi-ina thawk te, tui semtute leh bawnghnute semtu te, power lama duty pawimawh bikte a huam dawn lo.
Thlawhtheihna leh helicopter hmanga zin tur te, inneih leh chhiatna thila veivak duhte tan pawh kawng hawn a ni dawn a; Lengpui Airport-a mi hmuak tur leh zin turte chu zing dar 8 hmaa Aizawl chhuahsan hman tur a ni a, Lengpui Airport aṭanga Aizawl pan turte chu an pan hun tur siam a ni ang.