EFCC minister conference-ah TJ Lalnuntluanga tel

National Conference of Ministers of Environment, Forests & Climate Change, ni hnih awh tur chu nimin khan Gujarat-ah ṭan a ni a, Mizoram aṭangin EFCC minister TJ Lalnuntluanga, principal chief conservator of forest RK Singh leh Mizoram Pollution Control Board chairman Rosiama Vanchhawng, IFS (Rtd)-te an tel.

Conference-ah hian environment humhalh leh venhim lama India ram kal dan leh kal zel dan tur te, hman khat daih sarâng hmang tawh lo tura hmalak mek dan leh sik leh sa inthlâk danglam chungchangte sawiho a ni a; state tinah chak leh khauh taka hmalak zel tura tih a ni.

Ramngaw humhalh chung-changah, ramngaw awm sate humhalh lehzualin, ramngaw tam zawk siam tura hmalak zel dan tur sawiho a ni bawk.