World Pharmacists' Day Aizawlah hman a ni

Mizoram State Pharmacy Council, Mizoram Pharmacists' Association, Mizoram Govt. Pharmacists' Asso­ciation, RIPANS Pharmacy department leh Laithangpuii College of Pharmacy-te chuan nimin khan Civil Hospital, Aizawl Auditorium-ah World Pharmacists' Day an hmang.

World Pharmacists' Day hi September 25 a ni a, kuminah Pathianniah a tlak avangin nimin khan hman niin, thupui chu 'Pharmacist united in action for a healthier world' tih a ni.

Lawmna inkhawm zawhah World Pharma­cists' Day pualin thisen pek rûnpui an buatsaih a, pharmacist eng emaw zatin thisen an pe. Mizorama sikul hrang hrangah Drug Awareness Campaign neih a ni bawk.