Lawngtlai dist. hmasawnna tur sawiho

Lawngtlai District Level Coordination Committee chu September 13, Nilaini khan an chairman Dr Arun T, Lawngtlai DC hoin DC conference hall-ah an ṭhu a; Lawngtlai district hmaawnna tura hmalak dan tur an sawiho.

Lawngtlai DC chuan, an district hmasawnna turin sorkar department hrang hrangte an pawi­mawh vek thu leh ṭha­hnemngai taka thawhho a ṭul thu a sawi a, "Lawng­tlai hi hna thawhna hmun hrehawma ngai lo a, mahni hnaa chona thar anga ngai zawk tur a ni," tiin, official-te chu hmasawnna hna thawhna kawngah amah finchhuaha thuràwn pe ṭhin turin a chah.

Meeting-ah hian Lawngtlai district-in hma a sawn theihna tura rawtna hrang hrang leh mipuite’n harsatna an tawh mek ṭhenkhat sutkian dan turte sawiho a ni. Lawngtlaiah internet chak zawk a awm theih nana district administration lamin hma an lak dan te, Aadhaar enrolment-ah 78% tih a nih tawh thu leh, 100% ti tura theih­tawp chhuah zel a nih thute tarlan a ni bawk.