SVEEP campaign ṭan a ni

Aizawl district-a Systematic Voters' Education and Electoral Participation (SVEEP) campaign chu September 13, Nilaini chawhnu aṭang khan Aizawl DC conference hall-ah ṭan a ni.

SVEEP campaign hawnnaah hian Aizawl DC Dr A Muthamma chuan, electronic voting machine (EVM) leh voter verifiable paper audit trail (VVPAT) chungchang mipuite hnenah a zau thei ang bera puanzar a ṭul thu a sawi a, hemi kawnga theihtawp chhuah turin kalkhawmte a sáwm.

Aizawl DC hian SVEEP advertisement on EVM and VVPAT video clip tlangzarh nghal a; Election officer Lalfakzuala'n SVEEP campaign kalpui dan tur tlangpui a sawifiah a ni.

Nilaini vek khan zing karah Aizawl North-III constituency chhungah SVEEP campaign ṭanna rally huaihawt a ni a, Pianghleia High School leh Oxford Higher Secondary School zirtirtu leh zirlaite an tel.