Ramri ven chungchang sawiho

Assam Rifles Inspec­tor General (East) Maj. Gen. Upendra Dwive­di hoin, nimin khan Assam Rifles 23 Sector headquarters, Khatlaah Assam Rifles hotute chu BSF, CRPF leh Police hotute nen an ṭhukhawm a, ramri venhim chung­chang an sawiho.

Maj. Gen. Upendra Dwivedi chuan, Myanmar rama North Rakhine state chhunga Rohingya hel pawl leh Myanmar sipaite inbeihna vanga tun hnaia India rama Rohingya Muslim tam tak an tlân luh avangin security dinhmun ennawn a ngaih thu a sawi a, "Rohingya helte chêt dan avang leh dan loa border area-a chengte avang hian Indo-Manmar border-a security dinhmun a ennawn a ni tawh a ni," a ti.

Upendra Dwivedi chuan, CRPF leh Mizo­ram Police-te chu ramri biala venhimna uluk zawka kalpui a, Rohingya hel leh dan loa India rama luh tumte veng turin a chah.

Meeting-a tarlan danin, Indo-Myanmar border venhimna tikhauh turin Assam Rifles company pariat dah belh a ni a; ramri venhim hna thawhna atan hian quad copter leh unmmaned aerial vehicle-te hman tel a ni. Tun dinhmunah Mizoramah Rohingya Muslim tlan lut an la awm lo.