Zanin aṭangin Comedian Search Second Round

Double Ess LPS Comedian Search chu zanin leh naktuk zanah te hian Second Round neih a ni dawn. First Round-a fiamthu thiam inlante an che ṭha a, thlirtuten an nuihpui nasa a, chuvang chuan Second Round-ah pawh beisei a san phah hle.

Kar hmasa Zirtawpni leh Inrinni zanah khan First Round an zo. First Round zan hmasaah hian beisei loh thil a thleng a, thlirtute hei hi an hlut hle. Lalrinsiama, Serchhip intiin fiamthu a rawn thawh a, sawi tur a hre lo a, a riat nawi a, a hun a hmang zo lo. Judge lamin an comment hnuah a lungawi lo a, judge-te ṭhutna lamah sidawium a vawm. Studio an reh ṭhap. Chutah a lukhum a'n phelh a, Comedian Search hmasa bera pakhatna Lalchharliana a lo ni! Mipuiin an hlimpui a, boruak a siam zui hle.