Mission Veng Bial Zaipawl ‘Thawnthu hlui’

Mission Veng Pastor Bial Zaipawl (2017-2018)-in Mission Veng Bial KṬP kum 60 tlin, diamond jubilee puala music video, ‘Thawnthu hlui’ tih hla hmanga an siam chu nizan khan Central KṬP leader Rev. Zothansanga’n Mission Veng Kohhran Hall-ah a tlangzarh.

KṬP Mission Veng Pastor Bial hian diamond jubilee hi kumin chhung­in kawng hrang hrangin an lawm a, nimin khan a lawmna pui ber neiin, tlaiah Mission Veng Kohhranah jubilee ruai an ṭheh. Nizan khan Mission Veng Kohhran Hall-ah jubilee lawmna programme pui ber an hmang a, an Bial Zaipawlin jubilee puala music video an siam pawh an tlangzarh a ni.

‘Thawnthu hlui’ tih hla hi Lynn DeShazo phuah, ‘Ancient words’ tih hla Rozama Chawngthu, Mission Vengthlangin a lehlin a ni a; recording chu Wave Records-ah tiin, music video chu Milestone Pictures-in an siamsak a ni.