NHAI-in Delhi-ah ‘Third Ring Road’ siam rawt

National Highways Authority of India (NHAI) chuan Delhi kahwpui chhunga kawng tawt lutuk tihziaawmna kawng khat atan ‘Third Ring Road’ siam a rawt.

Minister of Road Transport and Highways-in high level meeting a kohah, NHAI chuan National Capital-a major highway pathum-te kalpawhna tur urban extension road (UER) 2 siam a rawt a, km 49-a thui kawng siam chu phase hnihah zawh a ni dawn niin, transport ministry official chuan a sawi.

NHAI chuan phase-I na hi a lak a tum a, phase -II chu Delhi sorkarin a thawk thung ang. A phase khatnaah hian NH-1 leh NH-8 inkar thawh a ni ang a, a phase hnihnaah NH-8 leh NH-10 leh NH-2 inkar thawh a ni thung ang.

Meeting-ah hian Union Road Transport and Highway Minister Nitin Gadkari chuan sorkar laipuiin Delhi khawpui kawng tawt lutuk tihziaawmna tur hian project, cheng vaibel­chhe 34,000 hu a ruahman niin a sawi. Delhi, UP leh Haryana sorkawrte chu a rang thei anga ram pek tur chungchang ngaihtuah turin a ti bawk. NHAI chuan Faridabad - Noida - Ghaziabad (FNG) expressway siam hna pawh chak zawka kalpui turin a ti bawk a ni.