Motor chesualah mi 2 thi

September 15, Zirtawpni zan dar 8 vel khan Maubuang Damdiai-ah lirthei, Scorpio chesualin, kawng thlangah thui tak a lum a, motor khalhtu Mal­sawmzela (34) s/o E Thansanga (L), Mission Veng chu damdawi-in panpui a nih laiin a hliam tuar loin a thi. Motor-ah hian a khalhtu chiah a chuang a ni.

September 16, Inrinni chawhma dar 10 vel khan Khawzawl khaw chhungah WagonR car chesualin, kawng thlanga kawr, ft. 15 velah thûkah a tla a, motor neitu leh khalhtu Lalthianghlima, 2nd. IR Battalion driver a hmunah a thi. A ruang hi Khawzawl damdawi-ina endik a nih hnuah Nursery Veng, Aizawla an inah lak a ni.