Zu-in khawtlang nun a tichhiaa ngai an tam
Synod Social Front-in 'Zu-in Mizote min nghawng dan zirchianna' tih an buatsaiha a lan danin, zawhna chhangtu zinga 93.81% chuan zuin khawtlang nun a tichhiaah an ngai a, a tichhe loa ngaitu 6.19% an awm thung.
'Zu-in Mizote min nghawng dan zirchianna' tihah hian mi chi hrang hrang 872-te zawhna eng emaw zat zawh a ni a; chhannaa a lan danin, 'Zu leh corruption hi inkungkaih tlat niin i hria em?' tih zawhna chu 53.21%-in 'Aw' tiin an chang a, 26.49%-in 'Aih' tiin an chhang thung a; ngaihdan nei lo 20.3% an awm.
Zu thlah zalen a nih hnuah mipat hmeichhiatna hmansualna a punga ngaitu 59.86% an awm laiin, a pun phah loa ngaitu 14.79% an awm a; 25.34%-in ngaihdan an nei lo. MLPC Act hnuaia zu zawrh a nih hnuah ruih theih thil dang a tlem phaha ngai 13.99% an awm a, a tlem phah loa ngai 86.01% an awm thung.
Mizo culture-ah zu a bet tlata ngai 69.854% an awm laiin, a bet loa ngai 30.16% an awm a; 'Mizote hi zu duh tak hnam kan niin i hria em?' tih zawhna chu 90.6%-in 'Aw' tiin an chhang a, 9.4%-in 'Aih' tiin an chhang.