World Ozone Day hmang

Lai Autonomous District Council (LADC) hnuaia Environment & Forest department butumin Inrinni khan Lawngtlai Aeropagi-ah World Ozone Day hman a ni.

World Ozone Day puala inkhawm buatsaih hi LADC-a DCCF K. Lalromawia'n a kaihruai a; khuallian, LADC executive member (Environment & Forest) KC Malsawmdawngliana chuan, hmasawnna hrang hrangte'n a ken tel thil tam takin boruak a tichhe nasa tih sawiin, "Mithiamte'n a ven nan theihtawp chhuah mah se, khawvel hmun hrang hranga Ozone tichhe thei thil tam tak hna thawh nan hman a nih avangin hmalaknain awmzia a nei harsa deuh a ni," a ti.

Lawngtlaia World Ozone Day hmannaah hian LADC-a Environment & Forest department-a thawkte leh sawm bikte an tel a ni.