KHAWTHLIR

Governor kâwm
Union minister of state for Culture, Environment, Forest and Climate Change Dr Mahesh Sharma chuan September 15, Zirtawpni tlai khan Raj Bhavan-ah Governor Lt.Gen. Nirbhay Sharma a kâwm a, thil pawimawh hrang hrang an an sawi dun. Zirtawpni tlai vek khan chief minister Lal Thanhawla chu a banglaah a kâwm bawk. Union Minister hian Inrinni khan Mizoram a chhuahsan a ni.

Thisen pe
September 16, Inrinni khan Luangmual Branch YMA-in Aizawl Civil Hospital tan thisen unit 53 an pe a, a petute mipa 46 leh hmeichhia pasarih an ni. Ramhlun Branch KṬP-in Synod Hospital tan unit 32 an pe a, a petute mipa 27 leh hmeichhia panga an ni. Vaivakawn unit ṬKP-in an din champha vawi 10-na pualin Aizawl Civil Hospital tan thisen unit 10 an pe bawk.

Kawng thawm
Luangmual Chhangurkawn Taxi Stand Welfare member-te chu Inrinni khan Luangmuala kawngpui chhe zual laite thawm ṭhain an hnatlang. Taxai driver-te hian kawng khuar laite chu lung leh lei hmangin an hnawhkhat a; anmahni sum sêngin an huam chhung kawng chhe laite chu kuminah ṭum eng emaw zat hnatlangin an siam ṭha tawh tih an sawi.

Senior Meet
Presbyterian Kohhrana pastor bial hrang hrangte chuan nimin khan Senior Meet an hmang. Senior Meet-ah hian sunday school-a Senior department zirlaite an tel a, zaipawl leh mimal item hrang hrang neih a ni. Thingtlang hmun tam takah chuan Senior Meet hi Inrinni zan khan an ṭan a ni.

Kawng tlang
September 11, 2017 zana leiminin a hnawh pin, Bawngkawn Shalom Venga Bawngkawn-Durtlang kawngpui chu lirthei chi tin kal theiha siam tlang a ni tawh. Leimin hian Vanlalsiama in, Assam type chhawng hnih chu a hnâwl chhe vek a ni.