Meth mûm 5,05,000 man a ni ; Ṭum khata meth man tam ber ṭum

Zokhawthara Mizo­ram police-te leh Assam Rifles sipaite chuan September 23, 2022 khan Mélbûk, Cham­­phai district-ah methamphetamine (meth) mûm 5,05,000 (kg. 55.80) an man a, Mizo­ramah ṭum khata meth man tam ber ṭum a ni.

Serchhipa hmunpui nei Assam Rifles-te leh Mizoram police-te chuan an thu dawn bawhzuiin, September 23 tlai dar 5:30 vel khan Mekbukah lirthei tlante an endik a, tlai dar 6:55-ah meth phur nia rinhlelh lirthei pakhat aṭangin methamphetamine mûm 5,05,000 an man a, Rs 1,67,86,20,000 (vbc. 167.86) hû a ni. Meth neitua puh hmeichhe pakhat an man tel bawk.

Meth leh hmeichhia an mante chu Zokhawthar Police Station-ah Sep­tember 24, Inrinni khan hruai a ni a; thubuai ziah luh niin, bawhzui mek a ni.

Assam Rifles tarlan danin, September 23, 2022-a meth an man hi ṭum khata meth an man tam ber ṭum a ni a; kum thum kal ta chhung khan cheng vbc. 200 vel hû meth an man laiin, September 23-a an man chu cheng vbc. 167.86 hû a ni.