Pawl pariatin thisen unit 261 an pe

September 24, Inrinni khan Mizoramah pawl pariatin thisen unit 261 an pe. YMA, Zemabawk North Branch chuan an silver jubilee pualin Synod Hospital tan thisen unit 49 an pe a, petute mipa 40 leh hmeichhia pakua an ni. KṬP, Kulikawn Branch-in Civil Hospital, Aizawl tan unit 47 an pe a, petute mipa 45 leh hmeichhia pahnih an ni a; KṬP, Tlangnuam Branch pawhin ZMC tan unit 37 an pe a, petute mipa 33 leh hmeichhia pali an ni.

KṬP, Thingdawl Pastor Bial chuan Thingdawl Vengthar Kohhran Hall-ah Kolasib District Hospital tan thisen unit 48 an pe a, petute mipa 33 leh hmeichhia 15 an ni a; ṬKP, Zobawk South Pastor Bial pawhin Christian Hospital, Serkawn tan unit 31 an pe a, petute mipa 21 leh hmeichhia 10 an ni.

PYD (UPC-NEI), Siaha West Pastor Bialin Siaha District Hospital tan unit 21 pein, petute mipa 18 leh hmeichhia pathum an ni. Mamit Higher Secondary School NSS-in District Hospital tan unit 16 an pe a, petute mipa 10 leh hmeichhia paruk an ni a; YMA, Serchhip Chhimveng Branch-in District Hospital tan unit 12 an pe bawk.