Lirthei nei garage nei lote tan Garage siamna hun ni 72 a la awm

Aizawl khawpuia lirthei neite tana garage nei vek turin Traffic Management Coordination Committee-in thupek an chhuah a, huntiam chu ni 72 hnuah a ral dawn.

Traffic Management Coordination Committee thuchhuak angin, lirthei nei garage nei lote chu garage siamna hun ni 420 (October 1, 2016 - November 30, 2017) thleng hun pek an ni a, hun pek chhunga garage nei lote chu huntiam ral hunah an chungchang ngaihtuah zui tur a ni ang.

Committee hnuaia din Working Group leh Aizawl Municipal Corporation hotute chuan lirthei nei si garage nei lote laka hmalak zui dan tur tun hnaiah ngaihtuah an tum a, meeting-ah hian local council hruaitute pawh sawm an ni ang.

Ruahman lawk ang chuan local council-te'n an huam chhunga lirthei nei si, garage nei lote an enfiah ang.