Lawngtlai DC-in damdawi-in a tlawh

Lawngtlai DC Dr Arun T chuan nimin khan Lawngtlai District Hospital a tlawh a, damdawi-in hna thawh dan hrang hrang leh Kayakalp Award 2017 atana an inbuatsaihnate a enfiah.

Dr Arun T chuan, Lawngtlai District Hospital chu a tum aia a hmuh ṭhat zawk thu leh thawktute inpekna hmuh theiha lang chhuak chu lawmawm a tih thu a sawi a, "Hma lam hun zelah hriselna kawnga district-in hma a sawn theih nan theih tawp chhuaha ngaihven zui zel ka tum," a ti a; thawktute'n an mamawh hrang hrang an sawite chu a theih anga bawhzuipui a tum thu a sawi.

Damdawi-in fai inelna, Kayakalp Award 2017 atan hian Lawngtlai District Hospital hian internal assessment leh peer assessment a pal­tlang tawh a, tunah hian inelna hnuhnung ber, external assessment atan an inbuatsaih leh mek a ni.