Home insurance chungchang sawiho

Urban Development and Poverty Alleviation (UDPA) minister Zodin­tluanga hoin nimin khan a pisaah UDPA department, Disaster Management & Rehabilitation (DMR) department leh Mizorama insurance company-te’n home insurance chung­chang an sawiho.

Sorkar thuchhuah tarlan danin, mipuiin an neih zawng zawng leh loan-te pûk belha chenna in an sakte lirnghing, leimin, kângmei leh chhiatna chi hrang hrang vanga an chán ṭhin chu sorkarin pawi a tih avangin meeting hi koh a ni a; home insurance chu mipuitin an neih vek theih dan tur ngaihtuah a ni.

Meeting-ah hian, mipuite’n awlsam zawka an chenna in leh bung­ruate khuarel chhiatna chi hrang hrang laka an insure theih dan tur ngaihtuah a ni a; home insurance neih theih dante leh insurance company hrang hrang rate leh kalphung mipuite inhrilhhriata awareness campaign kalpui dan tur an sawiho.

Meeting-ah hian DMR minister C Ngunlianchunga, DMR secretary Zothankhuma, UDPA secretary Dr C Vanlalramsanga leh DMR director N Chakhai te pawh an tel a ni.