Lok Sabha MP Rosanga'n kawng siam a tlawh

September 22, 2022-a Hnahthial District DISHA meeting-a rorel bawhzuiin Lok Sabha MP C Lalrosanga chuan tun hnai khan NHIDCL hnuaia Keiṭum leh Hnahthial inkar kawng NH-54 siam mek a tlawh a, kawng siamtu Bhartia Infra Projects Ltd (BIPL) hotute chu mipui tana harsatna awm lo thei ang bera hna thawk turin a chah.

C Lalrosanga chuan, BIPL hotute chu kawng siam zawh hun tura ruatah hna thawk zo hman tura theihtawp chhuah turin a chah a; kawng siamna atana an hman leilung ṭhat leh ṭhat loh tehna soil testing laboratory hmunte a tlawh bakah, quality ṭha chauh hmang turin a hrilh a ni.