Champhai kawng siam dan tur sawiho

Home minister R Lalzirliana hoin nimin khan a pisaah October 17-19, 2017 chhunga Champhai Zotlanga YMA General Conference neih hmaa Seling-Champhai inkara kawngpui chhe zual lai siamṭhat dan tur sawiho a ni.

Meeting-ah hian, kawng chhe lai siamṭha tura lung mamawh zat a tam dawn avangin, Keifang quarry (BRO quarry hlui) chu hman tawh loh ni mah se, mamawhna a san avangin Aizawl DC, Geology & Mineral Resources department leh PWD-te enpuina hnuaiah quarry aṭangin lung lak mai ni se, an ti.

Kawng siam hna chak zawka thawh a nih theih nan lirthei, a bikin motor lian ke paruk aia tam nei chinte chu Seling-Champhai inkarah one-way-in intlan chhawktir an ni ang. Lirthei liante hian Thawhṭanniah Aizawl aṭangin Champhai an pan thei ang a, Thawhlehniah Champhai-Aizawl (A ni inchhawk zelin Aizawl leh Champhai aṭangin an tlan thei ang).

Meeting-ah hian Police, PWD, DC office, Geology & Mineral Resources, GAD leh Central YMA aiawhte an tel a ni.