Ram venhimna chungchang sawi

Chief minister Lal Thanhawla leh Indian Air Force (IAF) Eastern Command-a air officer commanding-in-chief Anil Khosla chu nimin khan CM Banglaah an inkâwm a, ram venhimna chungchang an sawi dun.

Chief Minister chuan, Mizoram chu India ramri hrûla awm a nih avanga a pawimawhna te, ram venhimna kawnga a awmna hmun pawimawhnate leh India ram ṭhenawmte laka invenna tura hmalakna hmanhmawhthlaka a hriatte Air Marshall a hrilh a; ram hruaitu lute bakah, force lama hotute'n Mizoram an tlawh fo a ṭul thu a sawi.

Lal Thanhawla leh Anil Khosla hian airport siam belh tura hmalak mek chungchang leh radar chungchangte pawh an sawi dun a ni.