Joint NGO-in mipui thlàwpna ngen

NGO Coordination Committee chuan thuchhuah siamin, ram leh hnam humhalhna tura NGO Coordination Commiittee (Joint NGO) hmalakna thlawp tlat turin Mizo mipui an ngen.

Central YMA, MUP, MHIP, MZP leh MSU-te telna Joint NGO chuan, Dr BD Chakma, minister of state thil tih dan chu anti-national nia an hriat vanga bàn tura an ngenna kal zelah, chief minister Lal Thanhawla’n a bàntir chu lawmawm an tih thu an tarlang a; Mizote'n Bangladesh aṭanga dan loa Mizorama pem lutte lakah harsatna an tawh lohna tura sorkarin hmalakna chu lawmawm an tih thu an sawi bawk.

Joint NGO chuan, "Ram leh hnam tana huaisen taka hma la ngam Chief Minister kan nei hi NGO Coordination Committee chuan lawm­awm kan ti hle a ni," an ti a; ram leh hnam humhalhna atana NGO Coordination Committee hmalakna chu a tawp thlenga thlawp tlat turin Mizo mipui an ngen a ni.