Lungleiah MHIP kumpuan zirho

MHIP sub-headquarters Lunglei, District Legal Service Authority leh District Child Protection Unit ṭangkawp chuan nimin khan Lung­lei Convention Centre-ah kum 2017-19 MHIP kumpuan, 'Hmeichhiate leh naupangte hmasawnna leh himna atan nasa taka

ṭan lak' tih zirhona an buatsaih a, Social Welfare minister PC Lal­thanliana'n a hmanpui.

PC Lalthanliana chuan, hmeichhiate dinhmun chawikan leh an dikna humhalh chu sorkar thil tum pawimawh berte zing a mi a nih thu sawiin, "Mizo hmeichhiate'n dinhmun ṭha zawk an neih theih nan khawtlang inrelbawlna kawnga a bulṭhut, local council leh village council-ahte hmeichhe tana seat hauh sak a ni," a ti.

Social Welfare Minister chuan, hmeichhia harsatna tawkte'n telephone hmanga an biak nghal vat theih tur Universal Women Helpline phone number 181 siam a nih thu te, hmeichhia harsatna tawk tluk luh mai na nei lote tan One Stop Centre din a nih thute leh, Swadhar Shelter Home leh ruihhlo ngaite enkawlna hmun Protective Home siam a nih thute a sawi bawk.

Inkhawm hi Lunglei MHIP president Zosangi'n a kaihruai a; Lunglei chief judicial magistrate Julie Lalrinzami leh DCPO Lalrinkimi Hmar ten thupui an sawi a ni.