MSACS hotute an ṭhukhawm

Mizoram State AIDS Control Society (MSACS) Governing Body chu nimin khan CMO conference hall-ah Health minister Lal Thanzara hoin an ṭhukhawm.

Kum 2016-17 chhung­a MSACS hmalakna hrang hrang sawitu, MSACS project director Dr Lalmalsawmi Sailo chuan, HIV/AIDS darh zel tur venna atan trageted intervention (TI) chu hmanraw ṭangkai a nih thu a sawi a, "Targeted Intervention hnuaia link worker scheme-ah tlawmngai pawlte nen thawhhona neiin thing­tlang khua, motor luh theihlohna thlengin high risk group-te hmuh chhuah an nih bakah, inentirna hun ṭha siamsak an ni," a ti.

Meeting-ah hian kum 2016-17 chhunga hmachhawpte leh target hlen dante sawiho a ni a; kum 2014-2017 chhunga National AIDS Control Organisation (NACO) aṭanga sum hmuh leh hman dan tarlan niin, sum hmuhte chu kum tin a hma aiin tlem mah se, hmasawnna hmuh zel a nih thu tarlan a ni.

Meeting chuan, MSACS office a chang­tlun leh zual theih nan office thar sakna tur hmun zawn ni se, an ti a; HIV/AIDS kai hlauhthawnawm bik (high risk group)-te tan a thlawna inentirna Rogi Kalyan Samiti (RKS) hnuaia kalpui tur chung­chang chu Health Secretary ennawn tura tih a ni.