KHAWTHLIR

DoNER Minister
Zan khat riak tura Mizoram rawn tlawh, Development of North Eastern Region (DoNER) minister (independent charge) Dr Jitendra Singh chuan nimin khan Governor Lt.Gen. Nirbhay Sharma a chenna Raj Bhavan-ah a hmu a, thil pawimawh hrang hrang an sawi dun. DoNER Minister hian nimin tlai khan Mizoram University-ah programme a hmanpui bawk.

Disaster audit
State Disaster Audit Team chuan nimin khan Serchhip DC conference hall-ah Serchhip District Disaster Plan leh Departmental Disaster Plan endikna hun, disaster audit an buatsaih a; chhiatrupna thleng palh laka inbuatsaih ruahmanna (disaster plan) ṭha zawk neih dan tur an sawiho nghal.

Artui sem
MNF Serchhip 'E' Block-te chuan Martarte Ni pualin September 20, Nilaini khan Serchhip District Hospital-a damlo awmte leh damlo awmpuitute artui an sem.

Free clinic
Border Security Force (BSF) 159 Battalion ­chuan nimin khan Tla­bunga Chawnpui Vengah a thlâwna inentirna an buatsaih a, mi 250 vel an inentir. 159 BSF commandant LS Dahiya ­chuan, BSF-te chuan ram­ri vèn bakah, van­tlang rawngbawl kawng­ah theihtawp an chhuah zel dawn tih a sawi.

MLA pahnih zin
MNF MLA pahnih - Lalruatkima leh Dr K Beichhua te chu Gujarat-ah an hmasawnna tur zirchiangin an thang mek. MLA pahnih hian Gujarat-a hna thawh hrang hrang an tlawh tawh a, an la tlawh zel dawn nia thu dawn a ni.

Prosecution Workshop
Lungleia case investigating officer, DSB staff, Traffic Police leh police constable thlan bikte tan nimin khan Lunglei SP conference hall-ah Court kalphung leh dan pawimawh zirhona hun, ‘Workshop on Pro­secution’ buatsaih a ni a, Lung­lei SP Lalṭha­famkima'n a hmanpui.