Sorkar laipuiin hmarchhak mite harsatna a hriatpui - DoNER Minister

DoNER Minister Dr. Jitendra Singh chuan Mizoram University Auditorium-a Sustainable Mountain Summit vawi rukna a hmanpui a, India hmarchhak state-te chu an chenna leilung a danglam zawk avanga an harsatna tawhte sorkar laipuiin a hriatpui thu a sawi.

DoNER Minister chuan harsatna hrang hrang avang hian hmasawnna hna thawh chak harsa ṭhin mah se India ram state zawng zawngah hmasawnna intluk tlang a awm theih nan DoNER Ministry chuan ngawrh taka hna a thawh zel tur thu a sawi.

Tlangrama cheng ṭha­laiten ram chhung state dang ṭhalaite an el phak theih nan, sorkarin entrepreneurship leh skill development lamah hma a lak mek thu a sawi bawk.

Summit-ah hian Sikkim MP (LS) PD Rai, IMI (Integrated Mountain Initiative) Councillor ni bawk te, IMI President Alemtemshi Jamir IAS (Rtd) te chuan thu an sawi.