SBI Foundation-in ventilator panga Mizoram sorkar hnenah an hlàn

SBI Foundation chuan nimin khan Mizo­ram sorkar hnenah ventilator pathum an pe a; SBI regional manager LP Lal­changkima'n Health minister Dr R Lal­thang­liana hnenah a hlàn. 

Health Minister chuan, SBI Foundation leh SBI inpekna ropui a tih thu sawiin, "Bank-te hi mipui tana thawk, mipui ta an ni. An thilpek hian mipui ta an nih bakah mipui rawngbawltu an nihzia a lantir. Covid-19 léng boruakah pawl leh mimal inphalte malsawmna ni tura an luang chhuak ṭhin hi a lawmawm a, hripui hneh thei ngei turin fuihna thar min pe ṭhin a ni," a ti.

LP Lalchuangkima chuan, ventilator-te chu SBI Foundation kaltlanga pek a nih thu sawiin, "Corporate Social Res­ponsibility kaltlangin Mizoram sorkar hnenah June thla khan PPE set 600 pek a lo nih tawh," a ti a; ventilator dang pe leh turin ruahmanna an neih mek thu a sawi. SBI Foundation hi India ram puma SBI hna­thawkte'n an phal anga sum an thawh aṭanga din a ni a, ram pumah thil pek hrang hrang an lo pe tawh a ni.