Ruihhlo zirhona buatsaih

Mizoram Social Defence & Reha­bilitation Board (MSD&RB), Social Welfare Department leh Regional Resource of Training Centre, North East-II huaihawtin nimin khan Commissionerate of Excise & Narco­tics conference hall-ah 'One Day Sensitization Programme on Drug Abuse Prevention for Police, Excise & Narcotics Functionaries' buatsaih a ni a, Social Welfare secretary P Lalchhuanga'n a hman pui.

P Lalchhuanga chuan Chief Minister-in a tlangzarh tak 'Baseline survey report on the extent and pattern of drug use in Mizoram' tiha lang chiang tak chu ruihhloin dan kengkawhtute a tibuai tih hi a nih thu sawiin, "Ruihhlo ti ṭhin zinga 54.4% chuan man an tawk tawh a ni. Chuvangin, ruihhlo chungchang hi kan dan kengkawhtute hian an hre chiang hle tur a ni," a ti.

Inkhawmah hian Synod Hospital senior medical officer Dr. RL Sanghnuna chuan ruihhlo leh a hnathawh leh ruihhlo ngawlveinain a nghawng hrang hrang a sawifiah a ni.