KHAWTHLIR

Party thar din
Nimin khan Aizawl Press Club-ah Zoram hmangaihtu pawl leh Revolutionary Democratic Party hruaittuten inchhun fina party thar, Mizoram Peoples Party an din thu an puang. An pawl President ruat lailawk, Pu C Lal­ṭanpuia chuan, pawl pahnih chu ṭhiatin tuna pawl thar hi an din ta tih thuthar la khawm­tute a hrilh a, pawl hruaitu tur pawh ruat lailawk phawt an nih thu a sawi. An party innghahna atan ‘Ram chu Lalpa ta a ni’ tih leh au hla atan ‘I ram lo thleng rawh se’ tih an hmang dawn a ni.

DIET-in gradution day hmang
DIET, Lawngtlai chuan nimin khan Central YLA Hall, Lawngtlai-ah In-Service Teachers Edu­cation 2nd Batch Graduation Day an hmang a, Lawngtlai Bawrhsap Dr Arun T. chuan a hmanpui.

NEDP-NLUP sem
Aizawl district NEDP-NLUP Convergence hnuaia beneficiary-te hnenah AH & Vety Department chuan nimin khan ṭanpuina installment hmasa ber mi 116 hnenah an pe a, Farmers' Traning an buatsaih bawk.

Rangva sem
Nimin khan Armed Veng South Community Hall-ah Aizawl East-II bialtu MLA, Finance Minister Lalsawta chuan a biala mi harsa zualte tan MLA Fund aṭanga a lei rangva chhung­kaw 84 hnenah a sem.

Motor lian tlân khap
October 17 - 19, 2017 hian Champhai Zo­tlangah YMA General Conference nghah a nih dawn avangin kawng chei ṭhat­ a ni dawn a. District Magistrate, Aizawl District, Aizawl chuan Seling leh Saitual inkar, NH-6-ah motor lian, ke paruk aia tam nei tlan a khap. Khapna thupek hian nitin ei leh bar phur, passenger phur bus, dan leh thupek leh ram venhim hna thawktute a huam lo ang.