Kawng chhiat chhan CM hrilhfiah

Rajiv Nagar Village Council-te'n Dam­parengpui leh Kawnpui inkar kawng BRTF leh PWD te enkawl kawng km 35 leh km 18 siam ṭha tura ngenna an thehluh chung­changah, Pushpak Office CEO chuan kawng chhiat chhan leh hmalak an tum dan Chief Minister hnenah ziakin an sawifiah.

Pushpak CEO tarlan dan chuan, khaw pasarih - Rajiv Nagar-I, Rajiv Nagar-II, Zomuantlang, Khantlang, Andermanik, Belkhai leh Tuipuibari-I khaw mipuite chak lakna Damparengpui leh Kawnpui inkar kawng km 35 a thui enkawl ṭhat loh a nih chhan chu Project Pushpak hnathawh mek, Upgradation of Sairang-Tuipuibari (S-T) to 4 lane road, National Highway Double Lane(NHDL) huam chhunga mi a nih vang a ni.

S-T to NHDL Upgradation project hnathawh mekna sum chu a chatlak a, hnathawhna tur sum dawn a nih leh thuai theih nan Chief Minister chuan June 1, 2016 khan Defence Minister hnenah DO lehkha thawn in ngenna a siam tawh a ni. Kawng siamna tur sum hi nghah mek a ni.

Pushpak CEO chuan S-T kawngpui chu hun rei taka ta tawh Defence Ministry in a dah pawimawh loh zingah a awm thu leh he kawngpui chhe lai siamṭhat leh a chul mam na tur sum pawh pek an ni lo tih a tarlangin, "Hei vang hian Mizoram khaw­thlanglam kawngpui kan enkawlte chu a ṭha thei lo," an ti.