Lengpui Airport-a medical service sawiho

Health secretary Lalrinliana Fanai hoin tun hnai khan khan a pisaah Lengpui Airport-a damlote tana medical service awm mek tihchangtlun dan tur sawiho a ni.

Lalrinliana Fanai chuan, Lengpui Airport-a medical facility awm mek chu a beitham tih sawiin, "Tihchangtluna, VVIP, VIP leh khualzinte an damlo thuta an mamawh inenkawlna zualpui pe thei tur in medical service siam a ṭul a ni," a ti.

Nodal officer Dr John Zohmingthanga chuan, tun dinhmuna damlote tana inen­kawlna an neih dan leh tihchangtlun zel nana rua­hmanna an siamte a sawi a; an mamawh hrang hrangte meeting-ah a thlen.

Meeting chuan, Leng­pui Airport-a dam­lo enkawlna leh bawih­sâwm danah Lengpui Airport Health Advisory Committee din ṭul an ti a, medical service tihchangtlunna tur room pakhat an pek belh theih thu Aviation Wing aiawhte chuan an sawi.

Meeting-ah hian Health department hotu te, GAD Aviation Wing aiawh te, Lengpui Airport-a venhimna lama mawhphurtu Security SP-te an tel a ni.

Lengpui Airport-ah hian venhimna hna thawkte tiamin thawktu 334 vel an awm a, ni tin khualzin lut leh chhuak 700 vel awm ang a ni. Airport-ah hian a hranpain medical officer leh staff ruahmanna a awm lo a, Lengpui damdawi-ina thawkte'n an hmui a; pindan pakhat awmin, khum pahnih a awm a, hmanrua erawh an nei ṭha lo thung.