SSA sum hmanna tur ruahman

Aizawl District SSA Mission rorelna sang ber, District Education Commitee chu nimin khan an chairman Dr A Muthamma, Aizawl DC hoin a pisaah an ṭhukhawm a, kum 2017-18 chhung SSA Aizawl district sum hmuh cheng nuai 53.53 hmanna tur an ruahman.

Sum hmanna turte
l Aizawl district chhunga primary school leh upper primary school (middle school) maintenance grant atan cheng nuai 35.55 pawm a ni. School maintenance grant hmanna tur atan sikulte'n plan lo siamin, an plan siamte chu maintenance grant an dawn tur hmangin tihhlawhtintir ni se, tih a ni.
l Zirtirtute training-na atan cheng nuai 13 ruahman a ni. DIET-te nen ṭangkawpin Aizawl district chhunga ziritrtute training pek ni se, tih a ni.
l Rashtrya Avishkar Abhiyan hnuaia sikul naupangte science leh mathematics-a an hmasawn theih nan rua­hmanna siam a ni a, Rs. 4,00,000 dah a ni.