CBI chhuitir turin CM ngen nawn

MNF party chuan, lottery leh Mizo Carbon chungchang chu Central Bureau of Investigation (CBI) chhuitir turin chief minister Lal Thanhawla an ngen nawn leh a, eng hun lai aṭang pawhin chhutir se an dun thu an tarlang.

MNF thuchhuah chuan, CM Lal Thanhawla chu Zo Carbon leh lottery chungchang CBI chhutir turin a inṭawng tiam tawh tih a tarlang a, "Amah a lo inṭawng tiam tawh bawk a, lottery leh Mizo Carbon chungchang chhui chiang tur hian CM Pu Lal Thanhawla hi CBI ko lut ngei turin MNF chuan a ngen nawn leh a, a duh hun lai aṭang ngeia chhuitir tur­in thurawn kan pe e," a ti.

MNF tarlan danin, Mizo Carbon hminga Central Transport Subsidy (CST) leh Central Capital Investment Subsidy (CCIS) Rs. 3,41,65,086 lak tawh leh lak leh tura peih tawh cheng nuai 1034 chungchang CBI-in chhui tura tihna lehkha sorkarin June 9, 2017-a siam chu July 31-ah sût a ni a; a chhan CM an zawhnaah CM Hawla chuan, High Court-a Ruat­fela Nu-in PIL a thehluh leh ACB-in an chhui mek tih chu a chhuanlam a ni.