Mizoram Synod-in luah man a àwl

Mizoram Synod chuan nimin khan office order tichhuakin, Synod Officers' Meeting thurel angin, Synod in luahtu (thawktute ni lo)-te chu April thla luah man àwltir an nih dawn thu a tarlang a, "Synod Trust lamin a ṭul angin an lo bawhzui ang," a ti.

Synod hian nimin vêk khan circular a tichhuak a, May 17, 2020 thleng inkhârkhip chhunzawm tur a nih avangin biak-ina inkhawm a la rem loh thu an tarlang a; kohhran chhung tinte chu mahni inah inkhawm uar zel turin an ngen a ni.