H Lalfakawma Thlah liam a ni

Mizo zinga Pathian rawngbawltu lâr ni ṭhin H Lalfakawma (51) s/o Rev. Tlanglawma (L), Leitan Ramthar chu nimin zing dar 4:20 khan Civil Hospital, Aizawlah a thi a, nimin vêk khan an inah vui a ni.

A chanchin ziahnaa a lan danin, H Lalfakawma hi December 1, 1970-ah a piang a, May 7, 1998-ah Lalrindiki nen inneiin, fa pathum an nei. Zunthlum a nei tih kum 2015-ah hriat a ni a, September 9, 2022 zan aṭangin khawsikin a damlo ṭan a, September 13-ah Synod Hospital-ah dah luh niin, ICU-ah enkawl nghal a ni. September 26 khan Civil Hospital, Aizawlah sawn a ni a, nimin zing dar 4:20 khan a thi.

H Lalfakawma hian kum 1995-ah Herald for Christ a din a, kum 1998 aṭangin camping centre an kalpui a; kum 2001-ah Thlarau Thianghlim Crusade bul a ṭan a, khawih thluk rawngbawlna neiin Mizoram pumah a rawngbawlna a alh chhuak a ni.

Kum 2005 aṭangin Lungleng-I ramah nau­pang leh ruihhlo ngai enkawlna a kalpui bawk.