Mamit District Jail enfiah

29th September, 2022

Integrated Child Protection Service (ICPS), Mamit district hnuaia Jail Inspection Team chuan nimin khan Mamit District Jail an tlawh a, naupang, kumtlinglo táng an awm leh awm loh an enfiah.

ICPS-te chu thla thum danah jail endik ṭhin tura tih an nih angin Mamit District Jail chu Jail Inspection Team -in an endik a; Tommy Hmingdailova, Zatluanga Sailo, P Lalchunglura, Hmingsangzuali leh Lalrinchhani te an tel.

Mamit District Jail-ah hian táng mi 51 awmin, mipa 49 leh hmeichhia pahnih an ni a, naupang kumtlinglo táng an awm lo a ni.