Silk Samagra-2 hnuaiah training

Skill Upgradation under Eri Silk Development Project hnuaia Silk Samagra-2 kaltlanga hamṭhatna dawng tur mi 60 tan nimin khan Kolasib IPR conference hall-ah training buatsaih a ni a, bawrhsap John LT Sanga'n a hawng.

Silk Samagra-2 hi Ministry of Textile ruahman a ni a; Mizoramah district panga - Aizawl, Lunglei, Kolasib, Serchhip leh Hnahthial district-ah kalpui niin, project pumpui cheng vbc 17.98 hû a ni. Kolasib district-ah hamṭhatna dawngtu mi 100 an awm.

Project hnuaiah hian hamṭhatna dawngtu tinin kum khatah DFL 400 tal an khawi a, chumi aṭanga la (silk) kg. 28.8 tal an thar a ngai. Project beisei ang an thar theih chuan buhchiûm manah Rs 54,000 aia tlem lo leh silk aṭangin Rs 14,000 thar ṭheuh thei tura chhût a ni.