Lungleiah SEDP kalpui dan thlirho

Lunglei District Socio-Economic Development Policy (SEDP) chu an chairman Kulothungan A, district bawrhsap kaihhruaiin nimin khan DC conference hall-ah an ṭhukhawm a, line department pakuain SEDP an kalpui dan leh hmachhawpte an thlirho.

Ṭhutkhawmah hian line department pakua - Animal Husbandary & Veterinary, Agriculture, Commerce & Industries, Fisheries, Horticulture, Land Resources, Soil & Water Consevation, Sericulture, Tourism leh UDPA department aiawhte an tel a; SEDP chu October 10, 2022 hmaa sem zawh hman ni se, an ti.

Kulothungan A chuan, SEDP chu Mizoram sorkar flagship programme a nih angin, line department-te chu uluk leh fimkhur taka kalpui tur leh harsatna an neihte a hnenah thlen ṭhin turin a chah.

Lunglei district-a MLA bial parukah village level SEDP committee 124 a awm a, SEDP ṭanpuina sum sem thawh khatnaah chhungkaw 9,000 hnenah Rs 22,50,00,000 sem tura ruahman a ni.