Faina beihpui thlâkna hawng

Ministry of Culture hnuaia North East Zone Cultural Centre (NEZCC) bultumin Art & Culture department chuan, chawlh­kar hnih awh tur faina beihpui thlakna, Swachh Bharat Mission Cam­paign - Swachh Bharat Pakhwada atana buat­saih Street Play chu nimin khan ITI Veng khelmualah an buatsaih ṭan.

Street Play hawngtu Art & Culture deputy direc­tor Lalchuailova chuan, khawlai leh kawng­pui balh chhan tam zawk chu mimal mawhphurhna a nih thu a sawi.

India ram pumah faina beihpui, Swachh Bharat Mission uar taka kalpui mek niin, Mission hnuaia programme lian ber chu Swachh Bharat Pakhwada a ni a, September 16-30, 2017 chhungin ram pumah kalpui tur a ni.

Mizoramah chuan September 16 kha sorkar chawlh a nih avangin Sep­tember 15 khan sikulah leh sorkar pisaah leh, NGO ṭhenkhatte'n programme an hmang ṭan a ni.