Thenzawlah puanṭhui zir turte tan training

Urban Development & Poverty Alleviation (UD&PA) department hnuai­a Deendayal Antyodaya Yojana National Urban Livelihood Mission (DAY-NLUM) kalpui mekah, nimin khan Thenzawla Vantawng YMA Rûnah puanṭhui zir tur mi 50 hnenah training bul ṭanna leh an hriat tur ṭulte hrilhhriatna hun hman a ni.

Councelling on Employment Skill Training and Placement hi UDPA area manager Vanlalrema Hnamte-in a kaihruai a; DAYNLUM Serchhip-a manager Grace Lalrinfeli leh project manager K Zarzozuali ten puantah zir turte hriat tur pawimawhte an sawi. DAY-NLUM hnuaia puanṭhui a thlawna zirna kalpui hi Thenzawlah a ṭum khatna a ni a, training turin mi 50 thlan an ni.