Sipai hmunah CCC siam turin inzirtir
Health & Family Welfare department chuan sipai hmunah Covid-19 veite enkawlna Covid Care Centre (CCC) siam a nih theih nan nimin khan Zokhawsanga Assam Rifles hmunah sipai chi hrang hrangte tan hripui veite enkawl dan zirna (training) an buatsaih a; Assam Rifles, BSF leh BRTF mi leh sate an tel.
Training-ah hian COVID-19 state nodal officer Dr Pachuau Lalmalsawma, ZMC-a Medicine department HoD Dr PC Lalramenga, IDSP aṭangin Lalfakzuala Pautu leh microbiologist Yogesh Malvi ten thil pawimawhte an zirtir a ni.
Dr Pachuau Lalmalsawma chuan, tun hnaiah sipai mi leh sa zingah Covid-19 vei an pun nasat avangin nasa taka ṭan lak a ngaih thu te, quarantine centre leh CCC kalpui danah khauh zawka invawn a ṭul thute sawiin, sipaite chu inthununna nei ṭha an nih avangin civil mite entawn tlak ni turin a chah.