Lirnghing tuarte tan sorkarin riahbûk siamsak se - ZPM Ṭhalai

Zoram Peoples' Movement (ZPM) Ṭhalai president Malsawmzuala chuan, Mizoram khawchhak lama lirnghing tuarte riahna tur sorkarin ruahmansak se an duh thu a sawi.

July 23, Ningania ZPM Ṭhalai hruaitute'n VC, LC leh AMC in­thlan tur leh Covid-19 léng meka sorkar hmalak dan an thlirhonaah thu sawiin Malsawmzuala chuan, lirnghing tuarte chu ZPM hruaitute'n an tlawh kual thu a sawi a, "Lir­nghing vanga mahni ina riak ngam lo, himna atana silpauline hmanga riakbûk sual chawpte an lainat­awm hle. Lirnghing vang­in leiminte awm thei a ni a, ruahsur hnuaiah pawh ngaihngam taka a duh apiang an tlânkhawma an riah theihna tur riakbûk ṭha tak saksak turin sorkar kan ngen a ni," a ti.

ZPM Ṭhalai President chuan, lirnghing vanga mangangte thlamuan kawnga YMA Tuipuiral Group leh branch hrang hrangte inpekna ropui an tih thu a sawi bawk.