Awmpuii'n pisa a luah ṭan

Minister of state thar, Vanlalawmpuii Chawng­thu chuan nimin khan New Secretariat-a a pisa tur a luah ṭan. Vanlal­awmpuii chuan, "Kei aia phû zawk mi ṭhahnem tak an awm laia minister of state-a ruat ka ni hi Pathian leh kan hotute duhsakna vang a ni," a ti.

Vanlalawmpui chuan, tun dinhmun a thlen theih chhan chu a nu leh pate vang a nih thu leh, politics-a a luh ṭan tirha kaihruaitu MPYCC president hlui Zodintluanga kaihhruaina vang leh party-a a thawh­puite vang a nih thu a sawi a, "MLA-a min thlang tlingtu Hrangturzo bial mipuite chungah lawmthu ka sawi a ni," a ti.

Minister hna a thawhna mipui tawiawmna leh finchhuahna a mamawh hle dawn tih sawiin Van­lal­awmpuii chuan, "Thu­ràwn ṭha min pe ṭhin turin mipui leh sorkar hnathawkte ka ngen a, min ṭawngṭaipui fo thin turin pawhin ram mipuite ka sawm tak meuh a ni," a ti.

Minister thar Van­lalawmpuii Chawngthu hian New Secretariat first floor-a room no. 107 & 108 a luah dawn a, a pisa telepnone number chu 2322298 leh fax no. chu (0389) 2336244 a ni.