Ei leh bâra harsat loh dan tur sawiho
Siaha bialtu MLA Dr K Beichhua, minister of state hoin nimin khan Siaha DC conference hall-ah Siaha District Covid-19 Food Security Consultative Committee an ṭhukhawm. Minister chuan, ei leh bara harsatna thleng thei laka inbuatsaih lâwk dante enpui turin khaw hrang hrang tlawh a tum thu a sawi.
Dr K Beichhua chuan, hripui léng avangin ṭâm tawk thei dinhmunah mipui an ding tih sawiin, "Lockdown guidelines mil zelin Committee hian hma a la ang. Vaimim chi quintal 80 Aizawl aṭanga kan phurh pheite pawh district chhunga loneitute hnenah rualkhai taka sem a ni ang," a ti.
Meeting-ah hian ei leh bara intodelhna tura hmalakna hmasaa baseline survey an neih tawh dan sawi lan a ni a, Siaha district chhunga buh, vaimim leh thlai dang chìn theihna ramah a tam thei ang chìn vek ni se, an ti.